講道：鄭英兒牧師  
經文：詩篇15篇1-5節、哥林多前書11章1節
主日：2022年9月18日

　　台灣基督長老教會教勢統計，2020年有1,271間教會，將近26萬信徒，其中原住民的教會有528間，信徒有7萬2千多人。每禮拜日咱所有教會使用18種語言敬拜上帝，其中超過10種語言是台灣原住民族各族的族語，上帝賞賜咱台灣有這呢豐富多元的文化及語言，互咱閣卡經驗上帝無比的恩典及疼痛。

　　長老宗的開創者加爾文，他所寫的聖詩113首「我來朝見祢，救贖我的主」互咱清楚體會他的信仰告白─佇第3節、第5節歌詞按呢告白：「祢就是活命，阮對祢生存。除去祢以外，別位無盼望；主祢有應允，所信無空空。求賜阮平安，自在及確信；對祢得氣力，互阮永堅心。」

　　今日咱讀詩篇第15篇是朝聖者來到聖殿的門口，提出一個問題：什麼人有資格來到上帝的聖殿？其實通過耶穌基督「道成肉體」的「普世救恩」，上帝對世界人類的疼痛並沒任何條件；反而是主動提供每一個生命「無盡的恩典及盼望」！詩篇15篇引導咱親近上帝，及上帝建立親密的生命關係，對三方面鼓勵咱成做「基督的門徒」。

一、謙卑順服閣實踐上帝旨意的人：

詩篇15:2「就是行為正直，作事公義，對心底講真實的人。」(現代台語譯本)

詩篇15:2「就是行為正直，凡事順從上帝的人。他說話真誠。」(現代中文譯本)

　　咱行為正直及公義的前提是因為咱行出上帝的旨意。所以親近上帝的唯一條件就是願意聽趁上帝的命令、指示、提醒及要求；親近上帝的唯一目的就是歡喜實踐上帝的旨意。每一遍攏提醒自己用謙卑、順服的態度親近上帝，這是咱禮拜、靈修的基本態度及精神。

　　思念義光教會黃昭堂兄，雖然他是台獨聯盟永遠的主席，總是他來到教會，非常謙卑及上帝建立信仰生命親密結連的關係，常常吟聖詩流目屎，感謝上帝無盡的恩典及疼痛。昭堂兄每遍主日禮拜，認真領受上帝話語及教示，並通過每日生活及生命活出上帝的旨意。2011年11月17日上帝導昭堂兄轉去永遠的家，現今佇台南七股昭堂兄的故鄉，有黃昭堂紀念公園，其中紀念碑文有真重要的註明「2004年黃昭堂佇台灣基督長老教會義光教會洗禮成做基督徒」。

二、真實用生命歸榮光上帝的人：

詩篇15:3-4a：「伊無用嘴舌中傷人；伊無陷害朋友，無四界造謠毀謗厝邊。伊的目睭藐視作歹的人。」(現代台語譯本)

詩篇15:3-4a：「不毀謗人。他不做對不起朋友的事，不造謠中傷鄰居。他輕視犯罪作惡的人。」(現代中文譯本)

　　上帝賞賜咱人類有身體各種器官，𪜶所組成的生命是欲互人看見上帝的榮耀！所以咱的心思意念、生命展現、人際關係、社會生活、國家認同，一切人生的目標就是歡喜用生命歸榮光上帝。親像保羅勉勵講：「所以，恁無論是食是飲，抑是做甚麼，恁著為著榮耀上帝來做。」(林前10:31)

　　加爾文的一生用生命歸榮光上帝，甚至安息前特別交待千萬呣通為他立墓碑，以免造成別人誤會他一生有偌大成就。若呣是上帝的恩典及權能，他的一生無法度成就任何事，加爾文的人生對出生到死亡，攏真實用生命歸榮光上帝，這也是咱每一位長老宗的信徒一生非常重要的信仰課題及使命。

三、甘願犧牲受苦祝福別人的人：

詩篇15:4b-5：「伊咒誓，雖然家己剋虧嘛無改變。伊錢借人呣是為著利息；伊無收賄賂陷害無辜的人。做此款代誌的人會永遠徛在。」(現代台語譯本)

詩篇15:4b-5：「尊重敬畏上主的人；他不惜因履行諾言吃虧。他借錢給人不索取利息，也不受賄賂來陷害無辜。做這樣事的人永不失敗。」(現代中文譯本)

　　基督徒的人生觀及價值觀及一般人最大的沒仝款，就是閣卡看重別人的欠缺及困難，佇真多受苦的生命看著咱關懷的責任及使命！所以甚至自己吃虧猶原甘願歡喜，因為咱啲同擔苦難的時，咱亦做伙享受榮光、平安及喜樂。基督徒上寶貴的信仰見證：愈親像耶穌基督為別人犧牲受苦，咱顛倒經驗—上帝恩典祝福愈加添！

　　2017年3月前衛出版社出版「高俊明回憶錄─磨難苦杯下的信仰及實踐」，互咱清楚看見高俊明牧師的人生及生命怎樣盡忠學習成做「基督的門徒」。1977年8月16日台灣基督長老教會發表「人權宣言」，面對當時國民黨政權的壓迫，真多位草擬「人權宣言」的牧長攏寫好自己的遺書，甘願背十字架面對苦難、犧牲甚至死亡，包括高俊明牧師亦是按呢，回憶錄第122頁咱通看見他的遺言！1999年4月18日佇立法院廣場，高俊明牧師引導在場參與「公投絕食活動」的台灣勇士做伙舉行主日禮拜，高牧師引用路加福音13章31-33節，鼓勵自己及每一位參與絕食的勇士，親像耶穌面對死亡的威脅，他勇敢回應講：「雖然是按呢，今仔日、明仔日，及後日，我一定著繼續行我的路，因為先知無應該佇耶路撒冷以外的所在互人刣死。」高俊明牧師跟隨耶穌基督甘願歡喜受苦，犧牲行十字架的路，這是今日咱真重要共同的信仰課題，一生盡忠打拚成做基督的門徒。

　　1986年開始每年1月第3個禮拜一是美國的國定假日─馬丁路德金恩(Martin Luther King)牧師紀念日。美國政府為感謝並紀念他為美國黑人民權運動的犧牲及貢獻！1963年8月28日他很出名的講道「我有一個夢」(I have a dream)呼籲美國政府重視並落實維護人權，讓黑人及白人真正手牽手，心連心成為一家人。1964年35歲的馬丁路德金恩牧師得到諾貝爾和平獎，1968年4月4日他為了黑人民權運動受槍殺安息主懷。他的努力及犧牲促成美國「民權法案」的通過，更影響美國人民在2008年選出美國230年歷史第一位黑人總統─歐巴馬！雖然39歲受槍殺犧牲生命，但是馬丁路德金恩牧師的一生見證他真正是「基督的門徒」！2011年8月底美國政府在首都華盛頓D.C.設立馬丁路德金恩紀念公園，並通過他的雕像鼓勵人類勇敢實踐公義、人權與自由。

　　潘霍華(Bonhoeffer)是德國信義宗牧師、神學家、基督教文學家。1945年4月9日，39歲的潘霍華牧師佇集中營被處死！他年輕的生命見證他是上帝盡忠的基督門徒，1944年12月他因反抗納粹受掠佇監獄，他寫《所有美善力量》這首詩，是他基督信仰最好的生命見證。

　　2022年台灣基督長老教會進入宣教157週年，咱呣那感謝上帝156年來的恩典及帶領，亦閣卡決志盡力成做上帝的奴僕及差用。咱全體教會及信徒攏著努力打拚1985年第32屆總會年會通過的「台灣基督長老教會信仰告白」的教會觀：「釘根佇本地，認同所有的住民，通過疼及受苦，成做盼望的記號。」願通過咱一切信仰的見證及關懷，閣卡榮神益人，造福萬民！親像保羅信仰告白講：「恁著學我，親像我學基督。」

　　今日是總會所訂「聖經學院奉獻主日」，感謝咱台北大安教會過去到現今的支持、代禱及奉獻！請咱繼續為設立70年的聖經學院代禱，亦為著平信徒訓練以及延伸教育事工推動需要的經費支持及奉獻！